وصفة عمل الـحواوشى اسكندرانى

وصفات حلويات سهلة وسريعة 
وصفة عمل الـحواوشى اسكندرانى

اكيد كلنا بنحب الحواوشى  هنعمل الحواوشى على الطريقة الاسكندرانى ولازم الكل يجرب الطريقة ويكتب راءية فى تعليق وانا فى انتظار تعليقتكم

المكونات:

لعمل العجينة:

1. 1/2 كيلو دقيق
2. ملعقة كبيرة خميرة
3. 1/2 كوب زبادى
4. 3ملعق زيت
5. كوب ماء
6. رشة ملح
7. رشة سكر

لتتبيلة اللحم:

• 1/4 كيلو لحم
• عدد2 حبة بصل متوسط الحجم
• 1ربطة بقدونس مفروم
• 2 حبة فلفل رومى مفروم 
• 1حبة طماطم مفرومة
• معلقة صغيرة بهارات
• ملعقة صغيرة كمون
• ملح و فلفل اسود
• زيت للدهن
• فلفل حار حسب الرغبة

طريقة التحضير:

اول حاجة تعملى العجينة يعنى تخلطى الدقيق والخميرة والملح والسكر وتقلبيهم جيداوبعدين تحطى الزبادى والماء والزيت و تعجنيها كويس اوى لحد ما تبقى العجينة متمسكة فى ايديك

قطعى العجينة الى كرات صغيرة وادعكيها كويس واتركيها تخمر لمدة ربع ساعة

اخلطى اللحم مع مكونات التتبيلة واتركيها حتى تتجانس 

بعد ما العجينة ما تتخمر رشى الرخامة بالدقيق وابتدى افردى العجينة و ادهنيها بالزيت

حطى كورة من اللحم على العجين وافرديها و غطيها بعجينة تانية وتكون المدهونة بالزيت من اسفل نكرر الموضوع حتى ننهى العجينة 

ادهنى الرغيف بالزيت وحطيهم فى صينية ودخليهم فى الفرن لمدة 20 دقيقة وبعدين طلعيهم من الفرن وقدميها ساخنا

و بألف هنا وشفا

روابط قد تفيدك